Ko Stuart te kaiārahi tahi o te tīma Hanga me ngā Kaupapa Nui a Dentons Kensington Swan. Ka tuku tohutohu ia ki ngā kiritaki ā-motu me ā-ao mō te whakarite kia angitu tētahi kaupapa, ā, he tohunga hoki ia ki te whakatau i ngā tautohe.
I mua i tōna rironga hei rōia, he maha ngā tau i mahi ai a Stuart hei tohunga hiko rēhita, kātahi ka oti i a ia te Tiwhikete Hangarau o Aotearoa. Nā tōna wheako mahi-ā-ringa, ka kawea mai e ia he huarahi whai hua, whai tikanga hoki ki te whakatau tautohe. Hei tāpiritanga ki tēnei ko te mōhiotanga hōhonu ki te ture hanga me ngā take whai hua e tūpono ana ki ngā kaupapa.
Kua tuku tohutohu, kua whakatau hoki a Stuart i ngā tautohe i roto i te whānuitanga o ngā kaupapa, mai i ngā whanaketanga whare noho takitahi ki ngā kaupapa hanganga nui i roto i ngā rāngai ā-iwi, ā-waka, ā-wai, ā-hiko me ā-whakawhitiwhiti kōrero. He tohunga ia ki te whakatau i ngā kereme maha-rōpū me te whakatau i ngā tautohe e pā ana ki ngā whare turuturu.
Nā Stuart ngā tuhinga a te Rōpū Ture o Aotearoa i tuhi ki ngā komiti whiriwhiri e pā ana ki ngā whakatikatika maha ki te Ture Hanga Whare me te CCA. Nā Stuart i tautuhi, ā, nā CCNZ i tautoko te MBIE kia whakarerekētia te Ture Whakatikatika Kirimana Hanga Whare 2015, e whakamārama ana kāore te tikanga pupuri hou e pā ki ngā kirimana katoa o nāianei mai i te 31 o Poutū-te-rangi 2017.
Hei mema Kaunihera, hei Perehitini hoki mō te Society of Construction Law NZ, e pai ana ki a Stuart te whakatairanga i te ako puta noa i ngā marautanga katoa o te rāngai hanga.